 |
 |
|
|
|
Efnisyfirlit
- Forsíða KÍM
- Ágrip af sögu KÍM
- Lög KÍM
- Stjórn KÍM
- Austrið er rautt
- Geislaplatan Tranan og Furutréð
- Tengingar við blöð og tímarit um kínversk málefni
- Kort af Kína á vefnum
- Ráðstefna um Maó á Íslandi
- International Conference on Mao Zedong Era in Iceland
- Fréttasafn KÍM
- Samskipti
Íslands og Kína
- Upplýsingar um kínversk sendiráð á vefnum
- Allt um Kína
Forsíða KÍM
Aðalfundur KÍM 2009
Aðalfundur Kínversk-íslenska
menningarfélagsins var haldinn 29. þessa mánaðar.
Í ársskýrslu formanns, Ólafs Egilssonar, fv. sendiherra, kom m.a. fram að félagið hefði með margvíslegum hætti sinnt tengslum við Kína. Félagið aðstoðaði ýmsar sendinefndir sem komu hingað til lands í margvíslegum erindum. Má þar nefna sendinefnd sem kynnti sér jarðhitaorku og ræddi samvinnu milli Íslendinga og Kínverja á því sviði, nefndir sem kynntu sér ýmsar hliðar íslenskrar stjórnsýslu og bæjarstjórna o.s.frv. Þá kom einnig fram að Kínverjar hafi mikinn áhuga á að efla samvinnu þjóðanna á sviði landgræðslu og verði félagið beðið um að hafa milligöngu um samskipti við íslenskar stofnanir á þessu sviði. Þá eru væntanlegar nefndir kínverskra fjárfesta hingað til lands og munu þær kynna sér þau tækifæri sem hér eru fyrir hendi.
Þá hlutaðist félagið til um að tveimur kennurum við Verzlunarskóla Íslands, Jóni Ingvari Kjaran og Árna Hermannssyni, væri boðið til Tíbets síðastliðið vor þar sem þeir kynntu sér m.a. fræðslumál.
Ólafur Egilsson gaf ekki kost á sér til áframhaldandi stjórnarstarfa, en hann hefur gegnt formennsku í stjórn félagsins undanfarin 3 ár.
Arnþór Helgason, vináttusendiherra, var kjörinn formaður Kínversk-íslenska menningarfélagsins og Kristján Jónsson, fv. framkvæmdastjóri, varaformaður.
Aðrir stjórnarmenn eru Edda Kristjánsdóttir, deildarstjóri, Gerður Gunnarsdóttir, myndhöggvari og Dr. Geir Sigurðsson, forstöðumaður.
(Frétt
frá KÍM 30. október 2009)
Íslenskur vináttusendiherra
Arnþór Helgason, varaformaður KÍM, var sæmdur titlinum „Vináttusendiherra“ við athöfn í kínverska sendiráðinu 22. apríl sl. Einungis 70 einstaklingar hafa hlotið þessa viðurkenningu sem “Vináttusamtök kínversku þjóðarinnar við önnur lönd” veita. Li Jianping, varaforseti Kínversku vináttusamtakanna, sagði við það tækifæri, að Arnþór hlyti þessa viðurkenningu vegna áratuga starfs að samskiptum Íslands og Kína á sviði menningar og lista. Arnþór gekk í KÍM árið 1969 og var formaður þess í 22 ár. -- Í þakkarávarpi sagði Arnþór að þessi heiður félli ekki síður í skaut KÍM og ætti sér rætur í því mikla og óeigingjarna starfi sem fjöldi fólks hefði innt af hendi á vettvangi félagsins um árabil, en það er nú rúmlega hálfrar aldar gamalt.
(Frétt frá KÍM 29.
apríl 2009)
Kínverjar vilja efla samstarf á sviði
jarðvarmanýtingar og gróðurverndar
Fimm manna sendinefnd frá
Vináttusamtökum Kínverja við erlend ríki
var hér á landi dagana 21.-24. apríl sl. í
boði Kínversk-íslenska menningarfélagsins
(KÍM). Var sendinefndin undir forystu Li Jianping, varaforseta
samtakanna. Kínversku samtökin hafa það verkefni
m.a. að koma á samvinnu sveitarfélaga í landi
sínu við sveitarfélög í öðrum
löndum á ýmsum hagnýtum sviðum. Beinist
athygli þeirra hér einkum að
jarðhitanýtingu og gróðurvernd, vegna
áhuga á að efla tæknisamstarf milli landanna
á þessum sviðum. Nefndin kynnti sér
sérstaklega starfsemi Orkuveitu Reykjavíkur, Geysir Green
Energy og Bláa lónsins, og skoðaði m.a.
Hellisheiðarvirkjun. Þá átti nefndin fundi
með embættismönnum og sérfræðingum
bæði í landbúnaðarráðuneytinu og
Landbúnaðarháskóla Íslands, þar
sem fjallað var um reynsluna hér af aðgerðum til
að hindra gróðureyðingu, og einnig um
búfjárrækt. Fram kom að áformuð er
síðar á árinu kynnisferð fulltrúa
kínverskra fyrirtækja og fjárfesta til
Evrópu, til þess að kanna möguleika á
samstarfi við evrópska aðila. Munu þeir m.a. koma
hingað til lands og hefur KÍM verið beðið um
að undirbúa heimsóknina. Áðurnefnd
vináttusamtök vinna einnig að vinabæjatengslum
kínverskra borga og bæja við önnur lönd.
Nú þegar eru m.a. Hafnarfjörður, Kópavogur
og Fjarðarbyggð í slíkum tengslum. Áhugi
er á að fjölga þeim.(Frétt frá KÍM 29.
apríl 2009)